E20 பெட்ரோல் பயன்படுத்தினா இன்சூரன்ஸ் Claim கிடைக்காதா?… மக்கள் மனதில் பாலை வார்த்த ICICI Lombard!

E20 பெட்ரோல் பயன்படுத்துவதால் வாகன இன்சூரன்ஸ் கிளைம் நிராகரிக்கப்படும் என்ற செய்திகள் வந்ததை தொடர்ந்து, ICICI Lombard இதற்கு அதிகாரப்பூர்வ விளக்கம் வெளியிட்டுள்ளது.

ICICI Lombard என்ன சொல்கிறது?

• E20 பெட்ரோல் பயன்படுத்தினாலும் மோட்டார் இன்சூரன்ஸ் செல்லுபடியாக இருக்கும்.

• பழைய வாகனங்களில் E20 பயன்படுத்துவதை நிறுவனம் அலட்சியம் (Negligence) என்று கருதாது.

• இந்தியாவின் E20 திட்டம் சுற்றுச்சூழலுக்கு நல்ல முன்னேற்ற முயற்சி எனவும் கூறியுள்ளது.

மேலும், இன்சூரன்ஸ் பொதுவாக கீழ்கண்டவற்றை கவர் செய்யும்:

• விபத்து (Accident)

• திருட்டு (Theft)

• தனிநபர் விபத்து பாதுகாப்பு (Personal Accident Cover)

• மூன்றாம் நபர் சேதம் (Third-Party Liability)

வாகனத்தில் எந்த வகை எரிபொருள் பயன்படுத்தப்படுகிறது என்பது கிளைம் ஒப்புதல் பெற காரணமல்ல.

சாதாரண பெட்ரோல் பயன்படுத்தும்போது கிளைம் கிடைத்தால், அதேபோல் E20 பயன்படுத்தினாலும் கிளைம் கிடைக்கும்.

ஏன் இது முக்கியம்?

இந்தியா தற்போது E20 (20% எத்தனால் + 80% பெட்ரோல்) கலவை எரிபொருளை அதிகமாக பயன்படுத்தத் தொடங்கியுள்ளது.

புதிய வாகனங்கள் பெரும்பாலும் E20-க்கு ஏற்றவாறு வடிவமைக்கப்பட்டுள்ளன. ஆனால் பழைய வாகன உரிமையாளர்களுக்கு நீண்டகால பயன்பாட்டால் பாகங்கள் பாதிக்கப்படுமா என்ற சந்தேகம் இருந்தது.

முக்கியமாக நினைவில் கொள்ளுங்கள்:

E20 பயன்படுத்தியதால் மட்டும் இன்சூரன்ஸ் கிளைம் நிராகரிக்கப்படாது.ஆனால் எத்தனால் காரணமாக ஏற்படும் மெக்கானிக்கல் சேதம், இயல்பான wear & tear, பராமரிப்பு செலவுகள் போன்றவை சாதாரண மோட்டார் இன்சூரன்ஸில் பொதுவாக கவர் ஆகாது.